度小月 (時代廣場) (已搬遷) 新店位置

今晚同2個朋友喺時代廣場shopping，路過地庫發現有間杜小月，之前喺臺灣曾經試過，感覺良好，今次就即管入去試試香港版。先來個出名的鮮蝦擔仔麵，油麵Q彈，有水準，隻蝦都幾彈牙，還有些滷肉，味道不錯，少啲油會更好。見人多，叫碟邪惡嘅炸大腸都OK吧，哈哈！大腸皮炸得相當脆口，腸有咬口不韌，中間啲肥膏都清得很乾淨，無異味，很有以前大牌檔風味，呢款唔需要點汁，都夠味，中間有啲蔥段，又減了油膩。之後嚟多過三杯雞煲，上菜嘅時候，有好濃烈嘅乾蔥和九層塔香，啲雞都好入味，好滑，斬到細細件容易食，味道偏甜，扣少少分，但都OK。最後再嚟多個安格斯牛肉粒，居然係全晚最正嘅，牛肉粒bite size，用沙茶醬炒,係好腍好入味，滑而不漏，相當高分。啤酒蝦，因為開了背，淡淡啤酒香味從這裡進去，蝦肉彈牙，又有淡淡啤酒香味，幾特別。叫了幾碟肉，當然要整碟菜，百合蘆筍木耳，D菜都幾嫩冇渣，其中有淡黃色的，好爽口，原以為竹笙，吃下就知係雪耳，相當好食，有水準。