影片
更多
2016-12-14
624 瀏覽
近兩個月喜歡嘗試唔同日本餐廳既omasake, 想要比較及嘗試一下唔同既師傅發板風格。朋友推薦左一間位於灣仔既正宗江戶前omasake比我, 雖是一棟商住大廈，但餐廳人流不斷，相信於區內頗有名氣！呢間樓上日式小店用上日式和風設計，簡約平實，感覺和藹令人坐得舒適。店子唔大，有L型壽司吧枱及幾張四人枱，亦有私人房間供預約用。餐牌簡單清晰，共有四款價格既Omasake供應，豐儉由人：-櫻都 $600:十種加卷物-正葵 $800:十二種加卷物-丹楓 $1000:十五種加卷物-祥鶴 $1200:十八種加卷物一般人認為「廚師發板」既意思只係師傅隨意發板，但其實正宗既omasake係應由「輕至重」既次序嚟上菜。食omsake可以食得出食材既品質之外，更可以食得出師傅既功力。今晚我就選擇左《正葵 $800:十二種加卷物》，先嚟4款前菜漬物：有牛蒡、醃蘿白、紅酒蕎頭漬及麵豉蒜頭，而我覺得麵豉蒜頭最為特別，在外比較少食到。細問之下，原來蒜頭先用鹽出水，風乾十數日，令蒜味減退，而紅色既係木魚，再加麵豉作為調味。再嚟一碟醋茄子，茄子厚切後用醬油同醋醃好,味道小酸而開胃，再放上木魚絲同蘿白蓉作點綴～北海道珍蠔
近兩個月喜歡嘗試唔同日本餐廳既omasake, 想要比較及嘗試一下唔同既師傅發板風格。朋友推薦左一間位於灣仔既正宗江戶前omasake比我, 雖是一棟商住大廈，但餐廳人流不斷，相信於區內頗有名氣！
呢間樓上日式小店用上日式和風設計，簡約平實，感覺和藹令人坐得舒適。店子唔大，有L型壽司吧枱及幾張四人枱，亦有私人房間供預約用。
餐牌簡單清晰，共有四款價格既Omasake供應，豐儉由人：-櫻都 $600:十種加卷物
-正葵 $800:十二種加卷物
-丹楓 $1000:十五種加卷物
-祥鶴 $1200:十八種加卷物
一般人認為「廚師發板」既意思只係師傅隨意發板，但其實正宗既omasake係應由「輕至重」既次序嚟上菜。食omsake可以食得出食材既品質之外，更可以食得出師傅既功力。
今晚我就選擇左《正葵 $800:十二種加卷物》，先嚟4款前菜漬物：有牛蒡、醃蘿白、紅酒蕎頭漬及麵豉蒜頭，而我覺得麵豉蒜頭最為特別，在外比較少食到。細問之下，原來蒜頭先用鹽出水，風乾十數日，令蒜味減退，而紅色既係木魚，再加麵豉作為調味。
再嚟一碟醋茄子，茄子厚切後用醬油同醋醃好,味道小酸而開胃，再放上木魚絲同蘿白蓉作點綴～北海道珍蠔 - 體型大隻肉厚滑妖鮮甜，所以師傅只需要略略作調味，就唔使再蘸醬。珍蠔上既紅色係辣椒蘿白，微微的辣可作吊味。
1）彷彿（刺身）-- 左右擺動既魚，好似好彷彿甘，所以命名為「彷彿魚」，幾有趣！包住最世界最細小最幼既蔥，食落鮮嫩可口，蔥味好香，兩者味道好夾！2）金鐥鯛（刺身）- 輕輕用火灼過魚皮, 魚身有調味，包住香蔥一啖入口令魚肉散發出淡淡既魚鮮味。
3）日本師傅好鍾意整比客人既食物日本傳統食物，-飛魚。拌入左薑絲同蔥，除左可以僻腥，薑味更令本身十分新鮮既飛魚味道更佳更香口！抗拒食薑既我都連魚帶薑一併食晒！口中魚香陣陣帶點微辣，感覺刺激。4）鮑魚（凍食）- 伴有鮑魚肝醬、海帶、蘿白各兩件。第一次食鮑魚肝，味道香濃，連同口感極嫩既鮑魚同食，味道令人回味。
再落嚟既有壽司！師傅提醒我，所有壽司都已經落左醋、調好味道，所以唔需要再點蘸醬汁。已經食過多次omasake既我，一聽就知道「今晚我去岩地方了」。春薑-- 本身成熟左既薑再剛生出嚟既薑就叫春薑。味道帶點辛辣，酸酸甜甜，口感幼嫩。原來係用鹽醃製出水約一星期再用醋醃既效果。相當醒胃！
5）真鯛壽司 - 第一舊壽司味道會比較淡口，魚脂味唔濃，但反而能夠嚐到魚本身既鮮味。
6）深海池魚壽司 - 油份高，池魚類中體型最大既，而深海池魚味道較淡，所以上面既係薑蓉帶出魚既鮮味
7）春魚壽司 - 上面既梅醬&紫蘇甜甜地，魚皮輕灼過，令魚肉香口，半生熟既味道既鮮甜又有魚脂香。8）池魚壽司 - 同深海池魚好大分別，體型上已經細小好多，但味道卻比深海池魚重。滑到令身，新鮮得令人垂涎欲滴！
9）甜蝦壽司 - 上面放上左蟹麵豉作點綴同調味，令鮮甜彈牙既蝦肉味道更甘香。10）醋小肌壽司 - 入口酸中帶甜，然後薑蓉味帶微辣，吊出魚肉既獨特味道，口感相當特別。
11）金目鯛壽司-魚身輕輕燒過，迫出魚油，令魚脂味香濃而不溜，魚皮更是燒得香口彈牙！12）吞拿魚壽司 - 入口即溶，魚脂香濃，肉質嫩滑！
13）鮟鱇魚肝 - 有酸汁浸住，味道有肝香但唔會好似鵝肝、牛肝甘香烈。口感綿軟，酸汁吊出獨特既肝香，配上蔥花更香口！14）卷物由拖羅迷你丼代替 - 拖羅比外面一般更甜，唔係糖既甜，而係黃蘿白既甜，拌入色澤新鮮既拖羅中，再配上已調味既醋飯，真係令人不能自制甘一啖一啖甘食晒佢！
15）大蜆麵豉湯 - 蜆大隻有肉，無腥味，食完壽司飲碗湯，感覺多好！當然要有甜品作為是晚最後完美既總結啦！
16）芝麻/柚子雪糕 - 我選擇左柚子雪糕，成落有柚子肉粒，十分清新！
張貼
