小南國 (已結業)

好耐都未同呢班由大學已相識嘅死黨一齊出嚟食飯，所唔同嘅係由以往嘅形單隻影到現在大部份都出雙入對(仲係單身嘅要努力啲喇)。無論個飯局响邊度食，已經唔係一個咁重要嘅課題。記得上一次嚟小南國又係同佢地一齊，唔通呢度變咗我地嘅指定飯堂？一行十三個人，叫咗個十人餐，包括：醉雞糖醋小排骨東坡肉配蝴蝶飽煎小黃魚生煎飽龍蝦炒年糕砂鍋雲吞雞蟹皇炒豆腐炒莧菜香酥百寶鴨由於遲到嘅關係，嚟到嘅時候朋友們已經食緊頭盤。醉雞嘅醉味都足夠，不過雞唔夠肥，食唔到應該最好食但又係最唔健康嘅「醉雞凍」；糖醋小排骨骨肉已分離，細就細粒啲，但係以頭盤嚟講份量都適中；見其他食評都有提及「東坡肉配蝴蝶飽」，評價都不俗，所以對佢都有啲祈望，東坡肉切得唔夠細塊，同蝴蝶飽一齊食好論盡，肉用上半肥瘦，略嫌肥肉比例唔夠，失去東坡肉嘅神韻；反而「砂鍋雲吞雞」嘅雲吞就做得幾好，入面嘅菜蓉令整隻雲吞好香，湯亦冇味精，係比較喜出望外嘅一味餸；有「東坡肉配蝴蝶飽」，再嚟「香酥百寶鴨」其實都好滯吓，所以只能輕嚐淺嚼。成隻鴨唔香，完全冇糯米嘅香味，鴨皮脆係脆了，但亦食唔出丁點鴨味；「生煎飽」係另一款令我留下印象嘅菜式，裡面肉汁豐富，亦熱騰騰，飽底煎得卜