碗盛 (已結業)

係銅鑼灣維園行去呢間碗盛餐廳大概只係十分鐘時間，地理位置幾好，清風街附近都好多野食。碗盛門口裝修幾別緻，掛左好多日式燈籠，又用白燈箱，感覺好有日本地道風格。入到去原來更加日式風格，好多日本風情畫，有兩間房，應該除鞋入去，聽到其他食客討論，話坐房係有min charge，不過打開門果陣，其中一間房入面係有好多櫻花佈置，如果同朋友慶祝打卡影相都係一個幾好選擇。食物方面，都係同日本居酒屋無異，好多串燒、小食、清酒等。推介泡菜叉燒，係冷盤，啲肉煮到好淋，接近入口即溶，配泡菜食一啲都唔油膩。串燒方面，白鱔係必點，啲香料同個白鱔好搭，煙肉車厘茄都有驚喜，煙肉整到幾脆。