阿木台灣生活百貨 (已結業)

讀書個陣就好中意來阿木食嘢，之前旺角有兩間阿木，宜家得翻一間。來開旺角無特別嘢想食，就過來阿木回味一下。簡單食個下午茶，同以往點嘅配搭差唔多，紅燒牛筋牛腩粗麵（加埋自製辣椒醬更正）、肉鬆芝士蛋餅、滷牛腱、芝士岩鹽奶蓋烏龍茶（加珍珠！）食落一如以前咁好食，甚至覺得今次牛腱嘅口感比以前更加好，唔會煮到太爛，加埋本身嘅筋，咬落幾好入口。次次來食阿木都會勾起啲回憶，可能係因為店鋪入面會播我地年代嘅哥，無論係周杰倫定係五月天定係台劇嘅主題歌，都會一聽到就會忍唔住心入邊跟住唱。