咖啡灣 (太和中心) (已結業)

食過一次之後又想再食😂突然間好掛住咖啡灣既軟殼蟹卡邦尼意粉，決定今日放左工去食😂約埋朋友仔一行3人去食晚餐，今次就去位於太和中心既咖啡灣。去到唔算太多人，唔洗等位！坐低左侍應送上暖水比我地，服務幾好！睇睇menu都係叫最愛既軟殼蟹卡邦尼意粉，仲叫左三文魚黑松露意粉，蜜糖芝士炸雞配沙律薯條同埋黑魔王窩夫。軟殼蟹有蟹膏新鮮炸起好脆口，意粉好creamy Keep 到水準👍🏻三文魚份量都幾多有七至八塊，黑松露味都幾重好香而蜜糖炸雞送上枱時熱辣辣新鮮炸起,脆卜卜雞肉好滑唔會話”嚡十十”，仲配埋三款醬汁俾你。最後食埋個甜品，窩夫有2球雪糕又有oreo同朱古力百力支，幾多配料👍🏻