影片
更多
2018-04-07
31 瀏覽
無意中搵到來一鍋 見到幾吸引 即刻帶埋朋友嚟試吓😆！同其他打邊爐嘅餐廳好唔同 來一鍋既裝修好似cafe 仲有卡位 非常舒適！而且餐廳非常細心 有提供圍裙比客人 唔洗再擔心會彈到件衫！有藥膳火鍋同海鮮火鍋套餐可選 我同朋友都好中意食海鮮 毫不猶豫地揀咗海鮮火鍋套餐本身以為要七點半前離座先有優惠 點知原來宜家係全時段都有85折嫁 勁抵食啊！有十款湯底可選我地揀咗花膠螺頭雞湯湯底非常足料花膠、螺頭同雞既份量都好多同好大舊 而且湯底非常鮮甜 同平時出面打邊爐既湯底非常唔同 我同朋友都覺得勁似煲咗好耐既老火靚湯海鮮套餐既主角梗係海鮮啦☺️ 海鮮按位上 每位都有一件鮑魚、扇貝、青口、生蠔、象拔蚌、貴妃妦、大蝦！非常新鮮 仲要冇沙(重點)！同平時打邊爐既配料唔同 呢啲全部係手工製嫁！有墨魚丸，豬肉丸，流心芝士牛丸，韭菜餃，羊城水餃，雲吞，墨魚釀豆卜，豬肉釀鮮冬菇手工製果然唔同啲個人好中意墨魚丸、墨魚釀豆卜同埋韭菜餃👍🏻仲有即炸魚皮、即炸響鈴真係第一次見咁巨型既響鈴！至於肉類方面 我哋揀咗手切安格斯Prime Grade牛頸脊肥牛片肉質夠晒嫩滑 而且非常重牛味 岩晒我口味🤤任點火鍋配料方面 我自己就最中
同其他打邊爐嘅餐廳好唔同 來一鍋既裝修好似cafe 仲有卡位 非常舒適！而且餐廳非常細心 有提供圍裙比客人 唔洗再擔心會彈到件衫！
有藥膳火鍋同海鮮火鍋套餐可選 我同朋友都好中意食海鮮 毫不猶豫地揀咗海鮮火鍋套餐本身以為要七點半前離座先有優惠 點知原來宜家係全時段都有85折嫁 勁抵食啊！
有十款湯底可選我地揀咗花膠螺頭雞湯湯底非常足料花膠、螺頭同雞既份量都好多同好大舊 而且湯底非常鮮甜 同平時出面打邊爐既湯底非常唔同 我同朋友都覺得勁似煲咗好耐既老火靚湯
海鮮套餐既主角梗係海鮮啦☺️ 海鮮按位上 每位都有一件鮑魚、扇貝、青口、生蠔、象拔蚌、貴妃妦、大蝦！非常新鮮 仲要冇沙(重點)！
同平時打邊爐既配料唔同 呢啲全部係手工製嫁！有墨魚丸，豬肉丸，流心芝士牛丸，韭菜餃，羊城水餃，雲吞，墨魚釀豆卜，豬肉釀鮮冬菇手工製果然唔同啲個人好中意墨魚丸、墨魚釀豆卜同埋韭菜餃👍🏻
仲有即炸魚皮、即炸響鈴真係第一次見咁巨型既響鈴！
至於肉類方面 我哋揀咗手切安格斯Prime Grade牛頸脊肥牛片肉質夠晒嫩滑 而且非常重牛味 岩晒我口味🤤
任點火鍋配料方面 我自己就最中意黑豚腩片同埋花枝片黑豚腩片有啲會有軟骨 夠有咬口 朋友都大推因為覺得冇平時豬肉既騷味花枝片就勁爽口！我哋都忍唔住encore多round！
值得一提嘅係 紅酒 、白酒、啤酒都係任飲！！！即刻同朋友飲返兩杯🍷
最後以甜品作結！食得好滿足啊！
張貼
