大本瀛日式放題

營業中

休息中

最近朋友話想約食放題，黎左旺角呢間大本瀛食中午既放題，埋單就食左$413.6/2人，任食黎講，價錢都不錯。呢間同出面任食有既野都差唔多，但勝在有幾樣好食又回本既野可以叫。第一樣必食既係呢到既牛舌！本身我唔係話特別鐘意食牛舌，但朋友食完話極力推薦，食左一啖之後就對呢樣野上左癮！呢到既牛舌唔會好韌，好易咬得開又好香牛肉味，我地叫左幾轉都覺得好好食！第一次見放題有蟹粥食，見到個蟹字就雙眼發光，一份真係有好大舊蟹係入面，啲粥都好綿，可以試下叫。呢到仲有個壽喜燒可以叫，兩個人食份量岩岩好，可以食啲菜消滯。飲品有幾十種選擇，仲有啤酒飲。一開始我搵唔到有甜品落單，但原來食到尾之後會有張甜品紙，有心太軟同布甸個啲，心太軟好濃朱古力味，可以一試。坐呢個位望到師傅整野食，感覺食呢到既魚生都會安心啲。服務態度唔錯，收碟快，有機會再黎。