影片
更多
2007-07-21
18 瀏覽
今日奶奶一早入來, 話一齊去食早餐, 冇去平時去開果間, 奶奶一時話想食椰林閣, 雖然我同老公都表明呢間野真係唔得, 但奶奶話晚餐唔得不如試下早餐啦, 咁就去食.入到場坐底約10:45a.m., 我叫左餐肉炒蛋米線, 老公叫左牛肉公仔麵, 奶奶叫左豬扒米線.一路等一路都有好多人入座, 但我地一路等, 等左15分鐘都未有得食, 就叫個侍應幫我跟一跟張單, 但個女侍應聽完就咁走左去, 完全都唔見佢有check部機, 又唔走來回覆我地既情況...咁我地一直又再等到11點2我眼見後來入座果3台客都食緊, 一張6人, 一張4人, 一張3人, 大部份都係食麵, 即係同我地一樣, 咁我又再問D侍應我地既單點樣, 佢只係話有廚房單之後就走左, 我唔理廚房係咪有單, 而係點解人地遲過我地都食緊, 而我地既單咁耐, 都唔知我地原先最早既單變到最後既一張單等到11a.m.其實都完左個早餐, 又見其他人都食得7788, 都唔明點解我地台早餐都未到, 我真係勁火滾大叫個侍應問佢我地張單點, 講明人地遲過我地都食緊但我地咩都冇. 我真係好想知整一個麵會有幾難...後來到左11:25a.m.終於有, 味道都已經唔重
入到場坐底約10:45a.m., 我叫左餐肉炒蛋米線, 老公叫左牛肉公仔麵, 奶奶叫左豬扒米線.
一路等一路都有好多人入座, 但我地一路等, 等左15分鐘都未有得食, 就叫個侍應幫我跟一跟張單, 但個女侍應聽完就咁走左去, 完全都唔見佢有check部機, 又唔走來回覆我地既情況...咁我地一直又再等到11點2
我眼見後來入座果3台客都食緊, 一張6人, 一張4人, 一張3人, 大部份都係食麵, 即係同我地一樣, 咁我又再問D侍應我地既單點樣, 佢只係話有廚房單之後就走左, 我唔理廚房係咪有單, 而係點解人地遲過我地都食緊, 而我地既單咁耐, 都唔知我地原先最早既單變到最後既一張單
等到11a.m.其實都完左個早餐, 又見其他人都食得7788, 都唔明點解我地台早餐都未到, 我真係勁火滾大叫個侍應問佢我地張單點, 講明人地遲過我地都食緊但我地咩都冇. 我真係好想知整一個麵會有幾難...
後來到左11:25a.m.終於有, 味道都已經唔重要, 因為咁既炒蛋公仔麵可以有幾難食, 但就係個服務態度問題. 隔離有張台個女人又係一早叫左雪菜米, 但等左幾個字又係追單, 個侍應先同佢講雪菜冇晒, 個女人就好嬲咁話冇雪菜好一早講, 唔洗佢冇野食等咁耐...
最後每人既早餐$19只係得一個麵同熱飲, 埋單時仲要發覺收加一, 我都好耐未試過去有加一既地方食早餐仲要食到咁嬲, 真係好疑問果D服務費比o係邊個服務地方同邊個人law...
張貼