石磨坊 (已結業)

第一次o黎食o野叫o左碗呢度至有o既熱「朱古力燉奶」，本來以為佢係白雪雪o既奶上面鋪層朱古力醬，點知佢原來成碗都係啡色o既燉朱古力奶。之後再o係面舖層厚厚o既朱古力粉，好甜、好漏、冇奶味。之後又試過「芒果冰」o的冰整到好高，難以入手；略甜。「木瓜杏仁露」。原隻木瓜上，食o個時先幫你燉番熱佢。唔知佢o個日係咪怕我o地等得太耐，唔多夠熱。o的杏仁露仲係凍o既(比我會寧願淨係叫個杏仁露算喇~)「栗子糊」呢，又唔錯boo~ 幾香栗子味。o黎呢度食糖水最好揀糊類，其他真係嘛嘛。