囍記車仔麵

營業中

休息中

閒日工作路經佐敦， 人潮擠擁好不容易搵到一間有位嘅店舖 。不過始終撞正放飯時間 ，加上佐敦係自由行嘅集中地 ，所以環境逼狹， 喧鬧嘈吵絕對係正常。招牌勁大隻字 ，近排近視加深咗對絕對望得到 ，而且門面都算新淨 ，冇平時車仔麵舖嗰種殘舊嘅感覺。車仔麵同埋餸嘅選擇唔算多 ，但係勝在夠平 ，最貴嗰款都係12蚊 ，醬汁雙拼仲要唔使加錢， 絕對係經濟之選。環境尚算乾淨，燈光亦都充足。今次我嗌咗辣汁腩汁雙拼， 拼墨魚卷， 秘製柱侯牛腩， 菜肉雲吞同埋蘿蔔米線。 老實講 ，啲餸唔算出眾， 菜肉雲吞我懷疑係用東東牌 ，但車仔麵嘅靈魂在於湯底， 而湯底我覺得係可以接受嘅 。路經嘅朋友不妨一試。