影片
更多
2023-05-09
132 瀏覽
有時想搵間坐得耐啲嘅餐廳都唔容易，良朋歡聚梗係想搵一間坐得耐啲嘅可以傾吓計嘅餐廳，於是我哋就嚟咗呢度冇限時火鍋任食！呢度主打火鍋四步曲，首先每人可以選一款頭盤，然後再揀湯底，跟住就可以根據人數份量，食返牛肉拼盤同埋海鮮拼盤，之後就係有大概20款火鍋配料可以任叫，同埋出邊嘅飲品係可以任飲嘅！重點係呢度人均$300左右，頭盤竟然可以食到芝士焗波士頓龍蝦半隻，厚厚嘅芝士蓋，難掩底下龍蝦嘅香味！爽口嘅龍蝦肉，吃起來非常鮮甜！最正係仲有好多龍蝦膏！湯底我哋揀咗雙拼芫荽皮蛋鯪魚球湯鍋和大排檔豬骨鍋，見到大量芫荽同埋滿滿嘅豬骨豬手就知好足料啦！加分加分！而時令海鮮拼盤就包括左蟶子皇、新鮮魚、海蝦、鮑魚、手打墨魚丸、手打蝦丸、廣島蠔、日式蟹棒等！味道新鮮鮮甜，尤其蟶子王夠晒大隻，肉質爽口，令人回味無窮！美國安格斯牛肉拼盤有齊四款牛肉，包括手切牛小排、牛肩胛、封門柳、牛板鍵，肉質口感都唔錯㗎！再來王牌火鍋拼盤就有各款新鮮蔬菜同埋菇類，打邊爐都可以食得健康啲👍老實講，以我經驗嘅食量，其實食到呢度已經開始好飽下😂不過如果仲未飽嘅都有美國肥牛同埋豚肉等20幾種配料可以不停loop，真係好抵食！唔怪得知呢度平日
呢度主打火鍋四步曲，首先每人可以選一款頭盤，然後再揀湯底，跟住就可以根據人數份量，食返牛肉拼盤同埋海鮮拼盤，之後就係有大概20款火鍋配料可以任叫，同埋出邊嘅飲品係可以任飲嘅！
重點係呢度人均$300左右，頭盤竟然可以食到芝士焗波士頓龍蝦半隻，厚厚嘅芝士蓋，難掩底下龍蝦嘅香味！爽口嘅龍蝦肉，吃起來非常鮮甜！最正係仲有好多龍蝦膏！
湯底我哋揀咗雙拼芫荽皮蛋鯪魚球湯鍋和大排檔豬骨鍋，見到大量芫荽同埋滿滿嘅豬骨豬手就知好足料啦！加分加分！
而時令海鮮拼盤就包括左蟶子皇、新鮮魚、海蝦、鮑魚、手打墨魚丸、手打蝦丸、廣島蠔、日式蟹棒等！味道新鮮鮮甜，尤其蟶子王夠晒大隻，肉質爽口，令人回味無窮！
美國安格斯牛肉拼盤有齊四款牛肉，包括手切牛小排、牛肩胛、封門柳、牛板鍵，肉質口感都唔錯㗎！
再來王牌火鍋拼盤就有各款新鮮蔬菜同埋菇類，打邊爐都可以食得健康啲👍
老實講，以我經驗嘅食量，其實食到呢度已經開始好飽下😂不過如果仲未飽嘅都有美國肥牛同埋豚肉等20幾種配料可以不停loop，真係好抵食！唔怪得知呢度平日都咁爆場！
張貼
