漁港艇仔粉 (望隆街) (已結業)

知道屋企附近開咗間新嘅食店，今晚經過見到唔駛排隊，就入去試下啦!裝修好似一般茶餐廳，啲櫈係冇椅背，只有卡位先有椅背。 餐廳有平民風味，伙記同客好似街坊，比較親民。 招牌艇仔粉 其實落單嗰陣時有少少疑問艇仔粉係咩嚟?銀針粉? 嚟到先知道原來係河粉，河粉質地都幾滑，而且有好多餸，有紅腸、 魚蛋、叉燒、鵝、魚片、魚皮。 湯底都幾香，老公話係大地魚湯底。 不過冇驚喜，說不上好食，也說不上唔好食。客家梅菜扣肉飯 見隔離枱個碟梅菜扣肉都幾肥美，跟住叫，其他人都揀梅菜扣肉飯。 諗住唔會太差，點知希望越大，失望越大。 可見到梅菜過腍，扣肉都有幾件，但質地好''鞋''，唔夠美味，又太肥。