板長壽司 (已結業)

早兩日約家姐起公司附近食晏, 中午一點半左右經過平時離譜地排長龍嘅 "板長壽司", 今次又撞啱唔使等即刻有位, 噤就諗住試吓.第一次嚟 "板長壽司" 入到去我本以為係有運輸帶嘅壽司店, 原來冇, 不過叫嘢食都係就噤用 order 紙.我同家姐一人叫咗個麵豉湯壽司叫咗三文魚腩、吞拿魚、池魚、玉子因為我家姐食齋, 所以佢叫咗蕃茄沙律、粟米手卷、納豆手卷之後再加冷烏冬, 薯仔球(轆傑)等咗唔太耐, 麵豉湯先到, 一嚟就有驚喜, 麵豉湯"多舊魚"嘅?我家姐就話可能佢食齋, 所以覺得有啲腥 但我又唔覺, 所以佢比晒啲魚我(都有兩、三塊)跟住其他嘢差不多一齊到(成枱都係, 嗰度啲位都幾窄)所有嘢賣相唔差, 壽司色澤正常(有時好驚啲螢光噤濟嘅刺身)壽司可能飯細細, 所以顯得魚大大食落談不上有鮮味但冇筋, 如果凍少少會好啲, 反而玉子壽司唔錯手卷完全唔掂, 紫菜係韌嘅, 齒唔開冷烏冬係為叫而叫(因為我鐘意食), 麵身痴埋一齊都係意料中事其實呢類港式壽司店我不嬲唔會有太高祈望同要求整體上唔太差嘅, 但要排隊先有得食就咪搞我