鈴木珈啡館 (已結業)

前日同朋友o黎呢度食dinner, 我先到, 之後朋友打o黎話要遲D, 於是我便齋坐, 等朋友o黎到先點菜, 點知D侍應好似覺得我霸住個位, 不停o係我面前行來行去, 又眼啤啤, 幾討厭。朋友到後, 我們點了：1. 甚麼五色小點雞軟骨唔夠軟, 帶子冇味, 至於個蟹柳沙律, 朋友的comment 係....百佳o既都好食過佢。2. 梅子蜆肉意粉味道一般, 但完全唔熱！冇煙o既！似冷面！3. 日式照燒雞pizza同上！仲要第一塊都未食完, 個pizza底已經"un"了！4. 熱檸茶, 洋甘菊都係唔熱的！朋友忍唔住叫侍應幫佢翻熱, 但我估個侍應聽唔明, 結果幫朋友壺洋甘菊加熱水......沖淡晒！我地冇叫甜品(仲敢?), 但偷聽到隔離檯同個類似餐廳經理的人投訴個甜品冇味。如果5分滿分, 我會俾呢間餐廳1分, 呢1分係俾o係window seat望出去個景的。