食之劇場餐廳 (已結業)

入白沙灣除左吹下海風，仲有乜好做？食野呀！有間幾高級既食之劇場餐廳，真係令人一試難忘。今次叫左個雲set，有前菜，刺身，燒物，煮物，湯同甜品。都唔洗一千，唔算貴。前菜有松葉蟹肉配海草，仲有配搭清新好鮮味，配鹽食既小芋好香甜，仲有勁彈牙既紅味噌鮑魚，同爆多膏既脆脆蟹仔。刺身就有北海道帶子同赤身，兩樣都相當新鮮，帶子味道非常濃郁，赤身濕潤度高，保存得好好。燒物係噌味鰹，西京燒嘅煮法，加入味噌，魚帶味噌既鹹香舖特別，魚肉脂肪夠多，肉質嫩滑。至於煮物係鴨胸，以洋蔥同新鮮蔬菜作為主要嘅配搭，洋蔥甜味非常突出， 而且冇粗纖維，值得一讚。是日餐湯係班魚湯，採用日本嘅班魚，煮出黎味道同顏急非常清雅，帶微甜，相當出色。最後嘅甜品係黑糖豆腐腐同夕張蜜瓜，豆腐豆味濃郁，蜜瓜甜度相當高。