RuRu Tapas Restaurant (已結業)

今日同朋友慶祝生日，喺大角咀搵咗一間新開嘅西班牙餐廳，我哋比約定一時間早到咗，但係餐廳都安排個位俾我哋，餐廳嘅裝修格局幾簡約，雖然唔係太有西班牙風格，感覺幾舒服，我哋人數唔係太多，都係得兩個人食，所以我哋叫咗三樣嘢食，我哋經過餐廳嘅介紹叫咗炸薯仔，一份辣肉腸，同埋一份燒豬脾，炸薯仔都可以炸到外脆內軟，但係我覺得呢度嘅特色係喺佢嘅醬料上面，雖然我冇問到餐廳呢個係咩醬料，但係我覺得佢嘅醬料辣辣地酸酸地感覺幾開胃，用來做餐前小食就最啱呀，然後亦都嚟咗一份大肉腸，肉腸都真係幾辣呀，如果唔食得辣嘅話真係唔好試，最後嚟嘅係燒豬脾，啲皮燒到好趣而且亦都唔係太過肥，肉質唔算太過乾比起其他地方食嘅我覺得呢度嘅食物質素都唔錯，價錢亦都唔算太貴。