牧羊少年與他的浮萍

營業中

休息中

近年經常都食牧羊少年，價錢合理又真係會食到幸福嘅味道，尖沙咀呢間特別靚，Menu又完全唔同，特登嚟試吓。清酒昆布湯煮本地蜆鮮甜有蜆味，雖然唔算好大粒，但係彈牙飽滿夠新鮮。 作為西餐見到必點、食蜆無數嘅我，覺得個汁真係值得一讚，牛油、蒜片同辣椒固然好香，最正嘅係有昆布同少少麵豉嘅風味，辣味都夠突出，好惹味。海膽黑魚子醬蟹肉貓耳朵粉就係幻想中濃郁嘅味道，每一粒貓耳朵都俾濃郁Creamy嘅海膽醬包圍住，煙靭彈牙，係令人好滿足嘅意粉。烤慢煮法國豬鞍好juicy，切開見到啲汁爆曬出嚟閃令令咁，有保濕豬鞍個種軟腍多汁，係略嫌芥末籽蘋果醬唔算好甜，如果蘋果味再出啲就更好。