嫦記 (已結業)

睇開食評先至會入到呢頭搵食!翅湯好香, 雞燉翅有d雞味, 面頭比較多油d; 菜膽翅好香菜味, 清清的, 食到2粒龍眼肉, 幾過癮。不過唔知係錯覺定點, 雞翅食到尾仲有翅, 而菜翅就比較少翅囉。有2個人的話一人一盅, 夾住食就至正!風沙雞d沙好重師傅, 不過都幾冶味, 皮脆肉鮮, 係有少少肥油only。都係應該叫的。椒鹽瀨尿蝦隻蝦成9兩重(13蚊兩, 約$108), 好大隻! 都係用返風沙(炸蒜), 不過有d椒鹽咁囉。我認為2個沙就有d duplicate左, 唔係唔好食, 不過可以試第樣會好d。仲叫左個魚湯粉皮蟶子($68/8隻)。本身我係喜蟶子的。嫦記幫我起曬肉, 食得幾方便。不過唔明佢放返d殼入去又有咩function呢? 魚湯幾鮮, 真係食海鮮鮮味的菜。可惜有d沙... 而粉皮改做粉絲會好食好多! 索汁呀~加埋2個靚仔, 食左$420, ok啦, 食到飽一飽。d人都幾有禮, 如果呢個價錢要去銖記受氣就唔抵lu! 當然呢度都唔叫十分抵食, 係值囉!