漢和韓國料理 (已結業)

太座話想食韓國燒烤，唔知點解俾佢揾到呢到；老實講，一直以嚟對自助韓國燒烤嘅印象麻麻，主要因為有一兩間ｄ質素同衛生都唔係咁好。呢到每位＄１１８，食品的款式唔算話好多，但都算可以接受，熟食方面，主要有ｄ前菜，味道唔錯，其中炒粉絲幾好味；而且有個好處，就係同ｄ生肉分得好遠，唔怕交差感染。也有三文魚生同壽司，不過我冇試，但其他人食過都冇話唔新鮮，相信都ｏｋ。肉方面我燒咗牛脷、雞、豬、羊、多春魚重有菇同笳子一大堆，估唔到又幾好喎，唔係太大雪味，而且醃得幾入味。甜品和生果都有幾多選擇。飲嘢淨係叫咗兩枝真露酒，五十蚊枝唔算太貴。呢處地方坐得算舒服，油煙也不算太，招呼頗周到，價錢在銅鑼灣嚟講幾抵；有機會會再嚟。