ADD+

一行四人，7:00入座，第一海鮮方面成日都要排隊, 廚師拎嘢出嚟慢吞吞，排咩海鮮唔知道拎到出嚟俾你就係嗰啲。第二就係有一啲食物出咗一盤，跟住之後已經冇再加。第三啲片皮鴨細細條肉包比你食凍冰冰，第四有個粥檔嗰度大概7:45左右已經冇配料煲粥比客人食。第五昨晚嘅侍應都冇好多個冇人執嘢。最奇怪聽到其他客人講冇原條蒸魚食出過。要講呢間有幾差可以講好耐，侍應哥哥黑口黑面。響酒吧嗰邊兩個女仔加埋個接待處稍為高級少少嘅女仔掛住傾偈。沒有招待客人。奉勸大家千祈唔好比網路紅人介紹完之後你就去，我就係以為咁好所以去咗，要食自助餐大把好過佢。