里木

營業中

休息中

仲叫木澗的時候就幫襯過幾次，覺得好食仲有推薦比身邊朋友。但近排去食就唔太開心。其一：有三四舊壽司師傅擺低後完全冇任何介紹，即刻轉身同隔離檯客傾計；其二：當壽司擺低後，其中一舊白子跌左落來，佢都冇即刻執返擺好，要等佢傾完計再轉過身執，先食到；其三：唔知師傅係咪同熟客傾得太開心，對我地呢邊相對整得hea d，有兩舊壽司一夾起就散；其四：人去左洗手間，返來就見到舊壽司已經上左，乜唔係要等個客喺度先上咩？至少去過的其他壽司店是咁整體而言，食材是新鮮，又唔難食，但唔知係咪個服務質素影響到就餐心情，冇之前黎食得咁開心同滿足了。希望師傅在同熟客敘舊之餘，都顧及下其他客人。