影片
更多
2021-07-17
686 瀏覽
同小學同學敘舊, 諗住搵間企理啲嘅餐廳食餐飯, 結果發生下便嘅事情.早一日(7月15號早上11:30)已經打去訂位, 食飯當日(7月16號下午12點)有職員打嚟Double confirm.食飯當晚準時7:00入座, 我哋一行五個人(四大一細) 叫咗個四人餐, 我哋被安排坐一張四人枱 (相對鬆動的).< 問題 >1) 四人餐總共10道菜, 食到8:00嗰陣時, 明明張枱已經唔夠位擺餸, 職員仲係咁send啲餸落嚟.上菜個職員都尷尬啦......2) 食到一半嗰陣時(大約8:00), 職員已經將高力豆沙送埋上嚟! 當時我哋連個酸菜魚都係啱啱開始食, 枱面仲有砂鍋雲吞雞....當時屋企人已經覺得好奇怪, 主菜都未食完, 甜品已經送埋上嚟! 結果我哋叫職員攞返走個甜品先! 3) 酸菜魚原本有蠟燭放喺底保溫, 上菜職員擺低咗盆酸菜魚就走, 食咗大約15分鐘之後, 另一個職員先主動走埋嚟問使唔使幫我哋用蠟燭整返熱啲酸菜魚....4) 食到八點幾左右, 枱面明明仲有五碟食物, 有個職員竟然走過來問係咪可以收野?! 我哋同屋企人同朋友都打咗個突......5) 食到後段嗰陣時, 職員
早一日(7月15號早上11:30)已經打去訂位, 食飯當日(7月16號下午12點)有職員打嚟Double confirm.食飯當晚準時7:00入座, 我哋一行五個人(四大一細) 叫咗個四人餐, 我哋被安排坐一張四人枱 (相對鬆動的).
< 問題 >
1) 四人餐總共10道菜, 食到8:00嗰陣時, 明明張枱已經唔夠位擺餸, 職員仲係咁send啲餸落嚟.
上菜個職員都尷尬啦......
2) 食到一半嗰陣時(大約8:00), 職員已經將高力豆沙送埋上嚟! 當時我哋連個酸菜魚都係啱啱開始食, 枱面仲有砂鍋雲吞雞....
當時屋企人已經覺得好奇怪, 主菜都未食完, 甜品已經送埋上嚟! 結果我哋叫職員攞返走個甜品先!
3) 酸菜魚原本有蠟燭放喺底保溫, 上菜職員擺低咗盆酸菜魚就走, 食咗大約15分鐘之後, 另一個職員先主動走埋嚟問使唔使幫我哋用蠟燭整返熱啲酸菜魚....
4) 食到八點幾左右, 枱面明明仲有五碟食物, 有個職員竟然走過來問係咪可以收野?!
我哋同屋企人同朋友都打咗個突......
5) 食到後段嗰陣時, 職員又送嗰個甜品上嚟! 我哋問大部份餸都未食完, 你做咩又送個甜品上嚟?
跟住問個職員其實係咪有堂食時間限制, 佢先話原來有90分鐘時間限制, 跟住立即明白上面所發生嘅奇怪事情嘅原因.....
< 重點 >
a) 我哋第一次去食, 完全唔知道有90分鐘堂食時限 (openrice 冇寫, 社文平台冇寫, 網頁冇寫).
* 第一次打去訂位嗰陣時職員冇提醒!
* 食飯當日下午職員打嚟confirm嗰陣時又冇提醒!
* 入座嗰陣時完全冇提醒!
*** 前前後後總共有三次機會完全冇提及過有90分鐘堂食時限!
b) 食飯當晚我見到好明顯係個經理想搵位比出面等緊嗰啲熟客! 我親耳聽到經理同啲客講話今晚招呼唔到佢....
(我哋張枱就坐喺reception同餐廳入口旁邊, 所以睇同聽得一清二楚)
c) 一個四人餐, 前後成10樣餸, 90分鐘裏面食晒根本上會好趕!
(當然好似你哋咁唔理啲客食晒未, 又唔理張枱夠唔夠位擺, 主菜都未食完就連甜品都上埋, 咁啲客咪有機會食得晒囉!)
d) 要食快餐的話, 我去大家樂啦!
< 最後 >
- 公道啲講, 環境同味道係可以的, 但係員工樓面協調方面好明顯有進步空間!
- 如果知道有90分鐘堂食時限的話, 我一定唔會嚟. 我明知敘舊就係想搵個地方坐得舒服啲, 慢慢傾, 慢慢食.
- 做飲食生意, 翻枱再入多啲客, 賺多一轉錢係重要, 但係有時夾硬嚟, 結果咪得不償失囉!
張貼
