匠心廚房 (已搬遷)

美孚近公園最近多咗好多新開餐館，行過見到匠心廚房， 睇吓餐牌都以為可以一試，餐館細細相信都係靠精心炮製才可以立足，所以今日試吓，以為幾好食，點知一次過，嗰個欖肉焗排骨，雪藏排骨冇肉味，又細舊又乾，似足三餸飯，一早煑好。牛肉炒菜心，菜心還可以，但啲牛肉醃咗好耐咁，又咸又冇肉味。個燉湯還可以，最差係碗白飯，又硬又唔夠熱仲生冷杆。現時啲中菜餐館，啲白飯真係令人好失望😞好彩冇叫啲貴餸啫，咁嘅餐廳真係唔知捱得幾耐。