円相

營業中

休息中

呢間店裝修同擺設都好有風格,仲要有印有店名既杯,水杯超靚,流線型。野食都好特別,其他日式店比較少見。我叫左一碟炸蝦,好岩送酒。刺身甜蝦就食得多,炸甜蝦真係少食,好惹味,食唔停口,可以連頭食添。另外叫左磯煮鮑魚,煮法特別,中意醬汁既味道。甜品係梅酒JELLY,裡面好多梅,好正,同埋好抵食。室外有D坐位,岩中意食煙既人出去放下風。呢間店仲有好多特色既小食,同埋開到比較晚,岩飲酒吹水食小食。重點係小食係其他地方食唔到。