HOLDON (已結業)

生活壓力大，週末一定要去飲番杯，好好地暢所欲言。酒吧餐廳絕對係不二之選，而蘭桂坊就有云云眾多嘅選擇。蕃茄、蟹肉、芒果他他一份他他同酒精根本就係絕配，冰凍清涼嘅口感食落令人精神一振，整個堆砌得完整實淨，旁邊更有柚子醋配上沙律菜。鮮蠔忌廉湯忌廉湯好滑，入邊真係蘊藏着蠔肉，入口啖啖鮮味，帶點顆粒感令味蕾更加豐富！白酒羅勒煮托托蜆白酒加上羅辣，完全將托托蜆嘅鮮味凸顯出來。蜆肉全部都留係蜆殼之中，證明烹調嘅時間拿捏得非常之好，而且食落乾淨無沙。黑椒蜜糖雞翼作為雞翼控，今晚又要飲酒，一碟香口嘅雞翼當然少不了。雞翼真係做到皮脆內多汁嫩滑，甜絲絲嘅蜜糖直程有拔絲效果，令小編食到舔舔脷。香辣蒜片聖子辣肉腸橄欖油吸管粉呢一碟炒粉絕對係推薦之一，炒得唔油膩之餘蒜味好足夠。加入聖子同辣肉腸原有嘅鹹香感真係好惹味。香煎智利白鱈魚一上枱已經帶有煙燻效果，引人入勝。而食嘅第一啖都已經有橡木嘅香氣，雪白嘅魚身煎得相當出色，外皮薄脆，肉質嫩滑柔軟，油份適中，拌碟嘅奶油醬濃稠合適。Sesame Krush面頭有層芝麻奶蓋，灑上完整咖啡豆同芝麻粒粒，令賣相極為吸引。底部加上 Espresso同咖啡酒，確係唔錯！ST. Ge