紅館 (擺花街) (已搬遷) 新店位置

紅館位於中環擺花街，位置唔算易去，我諗呢個算係佢唯一既缺點啦！去到擺花街，門口有一個射燈射到門前既地下，你會見到一間以白色同紅色做主調既餐廳。餐廳主要分為兩層，樓上（地面）係坐bar位，樓下（地下）就係一般餐廳既擺設，以紅色、黑色作凳既主色。我哋兩個人叫咗晚市套餐$258/人首先黎左個餐包—法包，法包外樣脆硬，而包內軟身，有點少少咸味，點上附上既油醋，大大開左胃口。然後到了前菜：南瓜蟹肉湯，湯十分濃郁，陪有南瓜蓉及蟹肉，微微的甜味加上有層次嘅口感，讓人愛不釋口。另一道前菜：三文魚凍批沙律，三文魚原有的鮮甜味與另一種清新的食材形成一種味道衝擊，不但沒有奇怪，反而更吸引。沙律的蔬菜十分新鮮，尤其是番茄仔，鮮甜多汁，食材十分有水準。原本十分鍾意食魚嘅話，對行一道前菜好感興趣：脆皮挪威三文魚，同樣又是三文魚，但煮法完全不同，食落又有不同的感覺。三文魚十分鮮甜而多汁，而清脆的皮讓口感更豐富，整體食落唔會腥臭，反而有種鮮味。甜品是檸檬焦糖布丁，食落甜味唔會太重，檸檬味好特出。整體來講，這間餐廳嘅食材有質素，煮食都不會疏忽，質素高，這是一間讓人食完又食的餐廳。