等等HEA

營業中

休息中

首先上菜嘅係香菜台式蛋餅，香菜即係香港人叫嘅芫荽，鍾意芫荽嘅朋友不妨試吓呢個有台灣特色嘅菜！老闆娘鵝肝蚵仔滷肉溏心蛋飯套餐，包括免費指定凍或熱飲一杯，我另外升級要咗杯熱嘅黑糖珍珠奶茶，珍珠煙韌有咬口，奶茶口感細滑，台式風味十足！今次仲試咗鹽酥大大雞扒麵，可以選擇陽春面或者刀削麵，今次就試咗後者，麵條粗幼厚薄適中，。雞扒炸至金黃香脆，配上調製蛋黃醬味道好夾，台式餐廳來講水準都發揮得唔錯~另外點咗一杯冷泡四季春茶，上枱先知原來係一個長圓柱樽連茶包咁樣上，口感清新，飲唔晒都可以拎返屋企，非常方便。最後食返個椰奶芋圓仙草當飯後甜品，椰汁香濃入味，芋圓比起平時糖水店見到嘅都大粒，你都都不妨試一試！