影片
更多
2006-09-12
7 瀏覽
我幫襯左呢家食肆七年了~ 食過唔少以雲南米線自居的菜管, 但呢一間係少數能夠比到我真正地道雲南感覺的, 尤其愛食蒜泥白肉, 羊乳餅, 乳扇, 四季豆等等. 好唔好食就見人見智, 因為味道比較"地道", 所以亦都試過有朋友話比我聽唔0岩口味, 我自己就好鐘意了.至於睇到有人話呢間野轉手之後, 食物質素差錯D, 我個人就咁睇: 始終師傅唔同左, 好難要求做到一模一樣, 其實新老細已經盡量沿用舊時的一套, 菜牌完全繼承了以前的菜色, 而且0係繼承之餘, 我睇得出佢有心求變, 例如我食開0既茄醬米線, 佢改變左舊有0既煮法, 加入左更多蕃茄, 比以前更加有蕃茄味, 亦更0岩香港人口味.另外有一樣野, 我最初係察覺唔到會咁大影響, 就係裝修. 我諗最近呢半年去0既人都發現呢間舖頭重新裝修過, 加左好多有雲南特色0既布置, 其實連冷氣, 假天花都重新裝過, 我本來都唔為意呢D野對食客影響咁大, 直至有一次我同我阿媽去食, 佢話: "裝修過, 幾好喎~ 以前up up dum dum, 依家唔同晒." 佢一提, 又真係架喎~ 以前無論食物幾好, 但間舖頭實在係殘殘舊舊, 仲記得有次我食食下, 個假天
至於睇到有人話呢間野轉手之後, 食物質素差錯D, 我個人就咁睇: 始終師傅唔同左, 好難要求做到一模一樣, 其實新老細已經盡量沿用舊時的一套, 菜牌完全繼承了以前的菜色, 而且0係繼承之餘, 我睇得出佢有心求變, 例如我食開0既茄醬米線, 佢改變左舊有0既煮法, 加入左更多蕃茄, 比以前更加有蕃茄味, 亦更0岩香港人口味.
另外有一樣野, 我最初係察覺唔到會咁大影響, 就係裝修. 我諗最近呢半年去0既人都發現呢間舖頭重新裝修過, 加左好多有雲南特色0既布置, 其實連冷氣, 假天花都重新裝過, 我本來都唔為意呢D野對食客影響咁大, 直至有一次我同我阿媽去食, 佢話: "裝修過, 幾好喎~ 以前up up dum dum, 依家唔同晒." 佢一提, 又真係架喎~ 以前無論食物幾好, 但間舖頭實在係殘殘舊舊, 仲記得有次我食食下, 個假天花跌左落黎! 我係老主顧, 又同舊老細熟, 所以仲繼續幫襯; 如果我係新客, 見到D咁0既情況, 真係比錢請都唔會再黎. 依家間舖轉左手, 新老細不惜工本重新裝修, 搞得靚靚地, 不單改善左以往0既問題, 而且又吸引到新食客, 比我0既感覺係佢真係有心搞好間舖頭的. 正因為咁, 所以環境我比好高分, 係compare to以前而言; 而且, 以佢呢種格局0既舖位黎講, 環境的確算唔錯架啦~
張貼