瓏門冰室 (已結業)

武漢肺炎搞到天下大亂，飲食業都好難捱，大家真係要多d出街食飯，幫手撐良心店~ 本來諗住嚟龍門食佢個下午茶放題， 點知阿姐話今日人多，唔得閒做放題， 咁算啦~ 照食其實食放題係迫自己食多d嘢， 一個正常人，食佢兩個tea set 都真係好飽， 食放題只係等自己有個放肆嘅心態，其實真係差唔多錢我一向同雞有不共戴天之仇，我緊係食雞脾啦~ 佢個tea set其實都幾好， 有兩款嘢揀， 可以任你點配，實揀到啱食嘅嘢~ 我要咗滷水雞脾配粟米碎蛋沙律， 個friend就要咗炸雞脾配Q版焗肉醬意粉， 個滷水雞脾好入味， 都好食， 個粟米碎蛋沙律就似什果沙律多d, 都幾好食又大兜。茶記幾十蚊嘢， 如果你當米芝蓮餐廳咁食就死啦， 佢咪係一間正正常常嘅茶記~ 幾十蚊食到咁飽，真係no complaint啦~ 支持呀！