影片
更多
2017-06-09
1645 瀏覽
今日小編同朋友兩個人去試試呢間位於太子好出名嘅西餐廳。小編有一個朋友話，呢間餐廳好出名，每一日都好多人食，如果唔訂枱，基本上如果walkin既話，就即係唔使食🤔咁所以小編一早就充滿期待咁訂咗枱去試試佢👍🏿我地大約1830入座，眼見座左兩三枱客📣(不過店內枱嘅數目唔多，大約得8張左右)由於餐廳面積比較細，所以張枱同坐嘅位置都比較狹窄，但係餐廳仲要準備咗一隻公仔陪你一齊坐，其實窩心得來，又有啲搞笑😂餐牌方面，右上角嘅係regular menu，精簡得來，都幾靚，有個3d立體剪紙係入面，都幾特別禁🙈而左前方嘅呢個係晚上既set menu，主菜大約有8款既選擇，全部都包餐湯，甜品，同飲品先來真係前菜，有沙律同埋粟米忌廉湯，沙律係配上黑醋汁既做法，酸酸甜甜，幾開胃👌🏿粟米忌廉湯嘅味道就正正常常，唔會太稀，唔會太燶。當晚我地點左兩個set dinner，第一個先黎既主菜係，煙鴨胸茄汁意大利闊條麵👍🏿味道其實唔錯，茄醬唔會太多太濃，亦唔酸，不過一路食落，其實會覺得呢個面比較普通，冇乜驚喜，入面嘅配菜亦都唔多，鴨胸嘅數量都只係得兩三塊，所以唔算太特別😌第二個黎既主菜就係呢個，香脆豬手👍🏿呢個豬手唔算大
咁所以小編一早就充滿期待咁訂咗枱去試試佢👍🏿
我地大約1830入座，眼見座左兩三枱客📣
(不過店內枱嘅數目唔多，大約得8張左右)
由於餐廳面積比較細，所以張枱同坐嘅位置都比較狹窄，但係餐廳仲要準備咗一隻公仔陪你一齊坐，其實窩心得來，又有啲搞笑😂
餐牌方面，右上角嘅係regular menu，精簡得來，都幾靚，有個3d立體剪紙係入面，都幾特別禁🙈而左前方嘅呢個係晚上既set menu，主菜大約有8款既選擇，全部都包餐湯，甜品，同飲品
先來真係前菜，有沙律同埋粟米忌廉湯，沙律係配上黑醋汁既做法，酸酸甜甜，幾開胃👌🏿粟米忌廉湯嘅味道就正正常常，唔會太稀，唔會太燶。
當晚我地點左兩個set dinner，第一個先黎既主菜係，煙鴨胸茄汁意大利闊條麵👍🏿味道其實唔錯，茄醬唔會太多太濃，亦唔酸，不過一路食落，其實會覺得呢個面比較普通，冇乜驚喜，入面嘅配菜亦都唔多，鴨胸嘅數量都只係得兩三塊，所以唔算太特別😌
第二個黎既主菜就係呢個，香脆豬手👍🏿呢個豬手唔算大舊，都可以講係適合兩個人食用嘅。第一刀切落去嗰陣，其實感覺到豬手既外層做得幾脆口，都唔會話太難切。
不過小編就習慣將件野切好晒先至開始食，切到中後期，其實發現呢舊豬手嘅骨，所佔嘅比例都幾大，所以出嚟肉嘅份量，其實唔算真係太多，加上有啲係肥豬肉嘅部份，所以小編就唔識欣賞啦🙈
味道方面，其實佢做得OK，唔會太咸，肉既部份 (非肥豬肉果d位) ，食落去真係啖啖肉嘅，再加上右下角果個燒汁，個感覺都係滿足既👍🏿
只係一如之前所講，如果帶着比較高期望咁黎食嘅話，小編自己就覺得點都會有少少失望😪
到最後，跟餐既甜品係呢個紅莓檸檬凍餅，可能係呢個配搭的關係，所以成件事食落都比較酸，可能真係適合比較鍾意食酸野嘅朋友仔了🙈
總括而言，呢間餐廳嘅位置都算方便，價錢唔係特別平， 味道方面，小編就覺得無友人介紹所講既禁優越。可能唔好帶住咁高期望去，會好少少🙈
不過如果想試吓嘅，當然亦都無妨啦🙈🤷🏿♂️
張貼
