金皇廷囍宴 (已結業)

又是一家人共敍天倫好時光，去了佐敦的金皇廷食晚飯。地點便利近地鐵站，最重要水準不錯，價錢又實惠。有多款特價菜式，豐儉由人，我們立刻點了一個蠔皇八頭鮑魚扣金錢，無理由唔叫嘅，咁矜貴菜式。鮑魚雖然不是好大隻但肉身夠厚。炆煮得軟腍夠入味，冬菇亦都大大件厚身，吸收了蠔汁的精華滋味無窮。另一好味菜式是海參花菇玉掌煲，熱辣辣。海參軟熟得嚟有𡁻口。鵝掌好厚肉有嚼口，充滿骨膠原。花菇亦入味非常。生煎飽即叫即煎，餡料調味適中，外層軟熟，底面焦香，多吃一兩個不會覺膩。還有山楂糕送，味道酸酸咪咪，中和了中菜的油膩感，是清新的甜點喔。