155
16
7
等級4
215
1
2017-06-27 1292 瀏覽
要食日本高級料理唔一定要飛去日本,上星期就同男友去咗中環嘅一間食【壽喜燒】嘅日本食店《Sukiyaki Mori》, 品嚐正宗嘅壽喜燒, 質素之高, 令人相當滿足,真係連千幾蚊機票同幾日假都慳番。大家可能對「壽喜燒」呢個名詞較為陌生, 「壽喜燒」是日本傳統家庭聚會的料理。以少量醬油、糖與味醂烹煮食材的火鍋,通常食材包括高級的和牛、大蔥、萵苣、豆腐、魔芋絲等,通過各種蔬菜等天然食材釋放出的水份,與牛肉、醬汁慢火熬煮,並蘸生雞蛋食用。由於壽喜燒是慢煮、慢吃; 家人、朋友就有更多嘅時間相聚,輕聊往事, 享受快樂時光。望著日本師傅忙碌著,與放輕鬆嘅我們形成強烈對比。Mori Sukiyaki Set $680有齊前菜、沙律、主食同甜品。呢個賣相精緻嘅前菜,包含咗兩款創意沙律, 麻醬伴蘑菇青瓜海蜇沙律。 芝麻味香濃, 蘑菇這種食材甚少會碰上麻醬, 但兩者嘅味道竟然如此匹配。 另一道沙律煙燻茄子,師傅先將木魚汁煮成啫喱, 再放上醬油茄子上面, 令涼拌茄子帶有煙燻香氣。鮟康魚肝蒸蛋, 日本關東人事鮟康魚肝為人間極品 ,鮟康魚肝散發著魚油嘅香氣, 口感綿滑,魚油滲入滑溜嘅茶碗蒸之中,再加上細蔥、山椒,
更多
要食日本高級料理唔一定要飛去日本,上星期就同男友去咗中環嘅一間食【壽喜燒】嘅日本食店《Sukiyaki Mori》, 品嚐正宗嘅壽喜燒, 質素之高, 令人相當滿足,真係連千幾蚊機票同幾日假都慳番。

27 瀏覽
0 讚好
0 留言


大家可能對「壽喜燒」呢個名詞較為陌生, 「壽喜燒」是日本傳統家庭聚會的料理。以少量醬油、糖與味醂烹煮食材的火鍋,通常食材包括高級的和牛、大蔥、萵苣、豆腐、魔芋絲等,通過各種蔬菜等天然食材釋放出的水份,與牛肉、醬汁慢火熬煮,並蘸生雞蛋食用。

由於壽喜燒是慢煮、慢吃; 家人、朋友就有更多嘅時間相聚,輕聊往事, 享受快樂時光。

望著日本師傅忙碌著,與放輕鬆嘅我們形成強烈對比。

25 瀏覽
0 讚好
0 留言


Mori Sukiyaki Set $680

有齊前菜、沙律、主食同甜品

呢個賣相精緻嘅前菜,包含咗兩款創意沙律, 麻醬伴蘑菇青瓜海蜇沙律。 芝麻味香濃, 蘑菇這種食材甚少會碰上麻醬, 但兩者嘅味道竟然如此匹配。 另一道沙律煙燻茄子,師傅先將木魚汁煮成啫喱, 再放上醬油茄子上面, 令涼拌茄子帶有煙燻香氣。

14 瀏覽
0 讚好
0 留言


鮟康魚肝蒸蛋, 日本關東人事鮟康魚肝為人間極品 ,鮟康魚肝散發著魚油嘅香氣, 口感綿滑,魚油滲入滑溜嘅茶碗蒸之中,再加上細蔥、山椒, 兩者的香氣更能癖除魚油的腥味,

16 瀏覽
0 讚好
0 留言


壽喜燒嘅烹調精要係將牛油爆香鐵鍋, 再放入高級嘅雪花牛,而呢間店舖, 就採用咗日本出名嘅近江和牛。近江和牛出名牛味濃郁,雪花均勻。 肉眼嘅部份牛味最濃郁,牛脊部分口感就足嫩滑。

20 瀏覽
0 讚好
0 留言

24 瀏覽
0 讚好
0 留言



望住師傅用牛油爆香鐵鑊,香氣四射,當加入大蔥之後, 簡直係香氣逼人。當放入雪花牛之後, 在巧妙地加上砂糖醬油同味醂烹調, 令到煎香嘅牛帶有一點焦香, 香氣氛外濃郁。

20 瀏覽
0 讚好
0 留言


至於香煎雪花牛時所逼出嘅牛肉汁以及牛油亦絲毫不浪費, 大廚會放入各種嘅蔬菜例如洋蔥、皇帝菜、豆腐、芋絲、蒟蒻等等嘅材料, 加入醬汁同水烹調,令各種本應係平淡無奇嘅蔬菜,因吸收咗牛嘅精華, 頓時變得閃閃生輝。 簡直是由大配角變成第二主角。

14 瀏覽
0 讚好
0 留言


壽喜燒嘅正宗食法, 係將煮好嘅食材沾一啲生嘅雞蛋汁, 令到食起上嚟變得更柔軟滑溜。

8 瀏覽
0 讚好
0 留言


17 瀏覽
0 讚好
0 留言


係食完各款美味嘅雪花牛之後就嚟一個中途休息, 飲一碗熱辣辣嘅麵豉湯, 呢度嘅麵豉湯唔會太鹹, 而且有一陣木魚嘅煙燻香氣, 飲落非常暖胃。

最後師傅喺我哋面前即製咗一客滑蛋牛肉飯, 喺剛煮完壽喜燒嘅鐵鑊上面, 加入蛋汁,輕輕的打兩圈, 再加入牛柳粒, 變成了一碗自家製嘅滑蛋牛肉蓋飯, 最後加上日本細蔥, 增添香氣。 雖然看似作法簡單, 但包涵咗大廚嘅技巧 以及心思,食落暖意入心。

6 瀏覽
0 讚好
0 留言


最後係一客日本傳統甜品,紅豆糕和牛奶凍。 紅豆糕口感紮實, 喺爽口同煙靭中取得平衡。 然後奶凍質非常滑溜, 奶味十分香濃, 簡直滑溜到不能喺口腔停留。

6 瀏覽
0 讚好
0 留言


食壽喜燒除咗可以享受美食之外,亦令人享受同家人同朋友共處嘅時間, 係勞碌嘅生活中, 作一點停頓, 保留快樂時光。

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
用餐時段
晚餐