樸一拉麵

營業中

休息中

平時嘅拉麵店主打一至兩款湯底，通常都係辣同唔辣兩款，但呢間位於旺角女人街嘅樸一拉麵就有成六款湯底：豚骨、黑蒜、辛辣、魚介、海老、蟹膏。作為拉麵控嘅M佬雖然見到大排長龍，但都決意入去試一試！蟹膏拉麵呢張order紙非常清楚，湯嘅濃度、配菜選擇、拉麵軟硬等都可以選擇，而呢款蟹膏湯底真係不得了！因為我哋坐喺bar枱，見住廚師將2大羹嘅蟹膏放入湯中煮，所以食嘢時候，湯嘅蟹味超濃郁，蟹味豐厚，一啲都唔腥。餸嘅方面有蟹鉗、蟹柳絲、蟹膏同厚燒叉燒等。厚燒嘢叉燒真係好厚，食嘅時候充滿口感，叉燒外層用火槍燒過，帶有一點點的焦香，加上一層肥一層瘦，比例適啱啱好，非常鬆化。海老拉麵另一款就揀咗海老湯底，由於有勁多櫻花蝦，所以湯底充滿濃郁嘅蝦香味。除咗叉燒之外，仲有厚隻赤蝦，超彈牙！另外一隻係佢哋嘅芽菜，預先炒過，所以非常香口，非常入味。