影片
更多
2021-02-10
207 瀏覽
中午同朋友去旺角攞貨，再順便食晏。攞貨附近有間餐廳叫「Go Go Rock」，之前上網見到佢有下午茶時段任食，已經想試。雖然今日唔係，但見啲午餐都好抵食😄，所以決定幫襯。一入餐廳，經理就非常熱情招待，佢哋仲好有防疫意識，客人坐低前會再次消毒枱面。環境正正常常啦，感覺有啲似港式酒吧餐廳🎸，因為色調偏暗加用上黑白色地磚，不過都稱得上好整齊。餐廳有做午市套餐，共六款選擇，每款均可以自由搭配飯、意粉或薯菜。價錢介乎$58至$98不等，免收加一服務費。主菜以外，仲有湯、沙律同飲品，咁多嘢食絕對稱得上係一個完整嘅「套餐」🍽。套餐嘅沙律唔係求其比幾條菜你，而係設置咗一個自助沙律吧比客人自取，該區域仲要好乾淨！沙律款式比想像中多🥗，而且仲會補充。雖然餐牌寫每人只可拎一次，但我相信你真係好想食，佢都唔介意你再攞。我哋每款都夾咗啲試吓，包括自製凱撒沙律、螺絲粉、蛋、車厘茄同粟米青瓜等。當中嘅德國薯仔沙律超正🇩🇪🥔，薯仔粒混合洋蔥同脆煙肉粒，再夾埋沙律醬同醋，味道微酸又鹹鹹哋，好想再食啊！不過店員話主菜仲好食，叫我哋收手先。是日餐湯亦大有驚喜，顏色似粟米南瓜湯，但飲落會發現浸味好特別，從未飲過。我哋真係飲極
中午同朋友去旺角攞貨，再順便食晏。攞貨附近有間餐廳叫「Go Go Rock」，之前上網見到佢有下午茶時段任食，已經想試。雖然今日唔係，但見啲午餐都好抵食😄，所以決定幫襯。
一入餐廳，經理就非常熱情招待，佢哋仲好有防疫意識，客人坐低前會再次消毒枱面。環境正正常常啦，感覺有啲似港式酒吧餐廳🎸，因為色調偏暗加用上黑白色地磚，不過都稱得上好整齊。
餐廳有做午市套餐，共六款選擇，每款均可以自由搭配飯、意粉或薯菜。價錢介乎$58至$98不等，免收加一服務費。主菜以外，仲有湯、沙律同飲品，咁多嘢食絕對稱得上係一個完整嘅「套餐」🍽。
套餐嘅沙律唔係求其比幾條菜你，而係設置咗一個自助沙律吧比客人自取，該區域仲要好乾淨！沙律款式比想像中多🥗，而且仲會補充。雖然餐牌寫每人只可拎一次，但我相信你真係好想食，佢都唔介意你再攞。
德國薯仔沙律
7 瀏覽
0 讚好
0 留言
黃薑忌廉湯
5 瀏覽
0 讚好
0 留言
香煎韓國豬鞍扒配蘋果燒汁
$72
7 瀏覽
0 讚好
0 留言
安格斯牛仔骨配黑椒汁($98)，我哋落單時問店員牛仔骨會唔會好大份，佢擰頭🙅🏻♂️，點知係呃我哋囉！因為牛仔骨仲大件過豬鞍，似牛扒多啲，我本身預期係串燒薄薄哋嗰種。🐮牛仔骨就屬正常水平啦，黑椒汁亦然，🦴近骨位嘅肉質較韌，但口感都唔柴嘅。我哋兩款主菜都係揀咗配薯菜，除咗大大球蕃薯蓉外，仲有燒茄子🍆、冬菇、蕃茄🍅同翠玉瓜等。
肉醬闊條麵配溫泉蛋
$48
8 瀏覽
0 讚好
0 留言
巴黎牛油蘑菇焗田螺($68)，好耐無食過田螺，估唔到呢度都有賣，造型仲要好精緻，因為帶有牛油香嘅田螺放喺蘑菇上面🍄，一次過食到兩款滋味。而蘑菇下低亦有大量蕃薯蓉，但食到尾真係太飽，食唔落。
飲品方面，我哋都要咗凍檸檬茶，店員再次強調呢度好抵食，因為嗌凍飲都唔使加錢，哈哈😆。凍檸茶好大杯，有好多片檸檬，唔太甜，茶底亦唔澀。
題外話，鍾意食生蠔嘅人嚟呢度可能好開心，因為好似好抵食，$124有半打蠔同兩杯酒🥂，不過就唔係我個範。
總括嚟講，先唔好講我哋點解咁痴線、可以咁好胃口🙈，食得落嘅先決條件係要好食🤤！今時今日咁嘅價錢食到咁大份午餐，仲要有靚嘅擺盤，去邊到搵？我哋甚至懷疑搞手係咪只求打個和😅。另一邊廂，每一位店員都非常好客，會主動介紹菜式，仲幫你諗埋點嗌最好。食個午餐都咁好招呼，稱佢為六星級服務都唔誇張👍。基本上我哋都好滿意，但有樣嘢我一定要挑剔，就係呢度嘅薯蓉係用蕃薯整成，而唔係真·薯仔Potato，好失望啊。因為我係一個超級薯仔控，但又好唔鍾意食蕃薯🍠，我唔知係餐廳特色定點，下次再嚟要問清楚！不過我都係講笑，廢Up個人口味啫。小店用心經營，絕對值得推介🌟！
張貼
