鮨丼 (已結業)

見到經openrice訂座食丼飯有6折幾抵，所以就試下。一個丼飯原價閒閒地都成二百幾三百蚊，如果唔係有折都唔捨得食。先上沙律、漬物同麵豉湯麵豉湯幾多料，味道係酸既個人比較鐘意咸既麵豉湯，所以覺得呢個湯麻麻蜂蜜檸檬酒冇咩蜂蜜味同酒味，好酸，一般。海膽炙燒帆立貝三文魚籽刺身丼飯賣相好吸引，有六隻帆立貝咁多。個人好鐘意食海膽，而佢啲海膽都好鮮，唔錯。帆立貝就咁食，食唔到鮮味，澆少少青檸汁先突出到佢既鮮味。個人認為帆立貝唔炙燒會比較好味，因為燒左有啲乾身。吞拿魚大腩刺身丼飯吞拿魚舖上金箔，賣相非常名貴。圍住碗邊個款吞拿魚好肥美，冇一般既大吞拿魚咁油膩。中間長方形個款肉身較厚實，可惜兩舊中間都有條筋。食完丼飯會送糯米糍，但入面唔係雪糕係cream黎，一般。有六折確係食得過，但原價既話就好貴，要諗諗。