金水壽司 (已結業)

以前既金水下午茶，如果大家記得係半價既！佢加左價之後變左六折！不過好過無啦，又幾好食！！不過唔係所有野有折，所以大家去食個陣叫野要小心D！我四點去到，唔洗等位，星一至五比較少人！三文魚壽司，三文魚比以前薄左，可以用"通透"黎形容！都幾新鮮，幾甜！但係佢縮左水！！連舊飯都細舊埋，加價再縮水，即係雙重加價啦！我既最愛，芥辣八爪魚壽司，連食兩碟，仲想加碼！芥辣菜爽加上彈牙八爪魚！絕配，但係又係縮左水，以前咬兩啖，D料會跌落碟，而家唔會！同埋略略唔夠辣！不過真係好味！火炙蟹棒，女朋友食左兩條蟹棒，我食飯佢話上面D蛋黃醬好酸！但蟹棒燒得香，又軟！軟得黎又唔會梅！螺肉壽司，又係縮曬水！好大塊紫菜，好少螺肉！但好味！入貨問題姐，實好食架！厚切玉子壽司，舊甜蛋有差唔多1寸半厚，2寸長，中意食甜蛋既人岩曬！我女朋友最愛！軟殼蟹手卷，雖然貴少少！不過值得！因為全餐最好味！軟殼蟹炸得香脆！入面有足夠既蟹膏！一個手卷有半隻蟹！再加上D飯入面有少少沙律醬同D沙律絲，蟹子！口感一流！用唔用鼓油都一樣好味！芝麻八爪魚，一個碗入面有三隻！一黎到，我地都呆左！勁大隻，有我半隻手掌禁大！咬落佢個頭，由於太大隻食到入面D