和牛燒肉一郎 (新都城中心二期) (已結業)

同朋友食lunch，佢話想食燒肉，見呢間位於寶琳、主打和牛燒肉嘅餐廳都幾吸引，門口仲有大大隻牛候擺設，同凍肉雪櫃，擺滿吸引嘅和牛，睇到門面都胃口大開，一於去試下。一入到去都見唔少客人食放題，不過我食唔到太多野，就決定同朋友食套餐，一齊都叫左6種嘅日本黑毛和牛定食。外面就有個自助區，有多款沙律菜同飲品，仲有特別嘅茶飲同果汁。日本黑毛和牛定食一上檯都好吸引，有多款部位如和牛三筋、三角腹肉、牛肋肉、西冷、里脊肉等等。每片都油花十足，入口即溶。尤其和牛三筋同西冷，肥美得嚟，入口好多肉汁。三角腹肉同牛肋肉就比較有肉香味，簡單加鹽已經好好食。套餐仲包埋飯、味噌湯同酸酸甜甜嘅楊枝甘露慕絲甜品，今餐都食得幾滿足。