影片
更多
2021-12-14
1567 瀏覽
餐廳：六両三.台灣食堂 (觀塘)地址：觀塘巧明街107號國基集團中心4樓2號舖天氣最近好反覆，有時凍凍哋就會好想去打邊爐🍲，少人打嘅話最啱就喺食一人鍋，唔搵唔知原來黃店六両三.台灣食堂 @6liang3 由尖沙咀開到過嚟觀塘工業區🏭，如果唔喺咁啱上網搵都真喺唔知🙈六両三嘅老闆喺台灣高雄人，佢堅持視客人如自己嘅屋企人同朋友，希望客人食得安心同放心，所以餐廳絕對唔會用任何嘅味精、牛骨粉去調味❌，佢哋主打滷肉飯同紅燒牛肉麵，今年仲新推出一人台式火鍋，希望精心熬製嘅湯底可以暖一暖客人嘅胃口🤓之前已經去過尖沙咀分店，餐廳面積好細，坐得有啲逼，仲成日排長龍🚶🏻♀️🚶🏻🚶🏻♂️，估唔到觀塘呢間喺巧明街國基集團中心4樓嘅分店喺改頭換面，以一個空間感更大、更有台灣味道嘅裝修示人🇹🇼 ，幾有驚喜😍今次嚟食一人台式火鍋，除咗藥膳麻辣鍋之外🌶，六両三仲有牛骨沙茶鍋同蔬菜養生鍋三款湯底選擇，而每個一人一鍋套餐都包一份肉盤、一份蔬菜、三款台灣好丸同一款飯麵類，百零蚊喺咁靚咁舒服嘅地方打邊爐算喺唔錯✝️蔬菜養生鍋套餐 $128用咗十幾款新鮮蔬果慢火熬4個鐘而成，就連一滴雞粉都無落，飲落清甜潤喉👍✝️牛骨沙茶鍋套餐 $1
地址：觀塘巧明街107號國基集團中心4樓2號舖
天氣最近好反覆，有時凍凍哋就會好想去打邊爐🍲，少人打嘅話最啱就喺食一人鍋，唔搵唔知原來黃店六両三.台灣食堂 @6liang3 由尖沙咀開到過嚟觀塘工業區🏭，如果唔喺咁啱上網搵都真喺唔知🙈
六両三嘅老闆喺台灣高雄人，佢堅持視客人如自己嘅屋企人同朋友，希望客人食得安心同放心，所以餐廳絕對唔會用任何嘅味精、牛骨粉去調味❌，佢哋主打滷肉飯同紅燒牛肉麵，今年仲新推出一人台式火鍋，希望精心熬製嘅湯底可以暖一暖客人嘅胃口🤓
之前已經去過尖沙咀分店，餐廳面積好細，坐得有啲逼，仲成日排長龍🚶🏻♀️🚶🏻🚶🏻♂️，
估唔到觀塘呢間喺巧明街國基集團中心4樓嘅分店喺改頭換面，以一個空間感更大、更有台灣味道嘅裝修示人🇹🇼 ，幾有驚喜😍
今次嚟食一人台式火鍋，除咗藥膳麻辣鍋之外🌶，六両三仲有牛骨沙茶鍋同蔬菜養生鍋三款湯底選擇，而每個一人一鍋套餐都包一份肉盤、一份蔬菜、三款台灣好丸同一款飯麵類，百零蚊喺咁靚咁舒服嘅地方打邊爐算喺唔錯
✝️蔬菜養生鍋套餐 $128用咗十幾款新鮮蔬果慢火熬4個鐘而成，就連一滴雞粉都無落，飲落清甜潤喉👍
✝️牛骨沙茶鍋套餐 $138
台灣人最鍾意沙茶香，沙茶醬有輕輕嘅甜味同比較鹹，認真試仲會食得出有蝦乾嘅味道，加入咗牛骨去煮，飲落就更順滑同有牛骨香🐂，打邊爐嗰陣會愈煮愈甜同濃郁，啲食物唔洗蘸任何醬料都好夠味
肉盤有6款選擇，分別揀咗鹿兒島豚腩肉同鹿兒島豚梅肉🐖，肉質柔嫩、緊緻多汁，口感有彈性，肉上面嘅脂肪唔膩，陣陣豬肉香之餘仲甘甜鮮美，唔錯唔錯😙；唔想食豬嘅人亦可以加錢要澳洲和牛牛面肉、後腿肉眼、牛頸脊或者肉眼蓋🐮
三款台灣丸有薑母鴨丸、鱈魚丸同台灣燕餃，全部都係台灣嘅特色丸。薑母鴨丸扎實飽滿、彈牙Q彈，有啲似平時食緊嘅豬肉丸；鱈魚丸雪白剔透，咬落爽口鮮香，感覺似我哋嘅白魚蛋；燕餃其實唔喺皮包肉，而喺肉包肉，燕餃出面嘅燕皮喺用反覆搥打出嚟嘅豬肉泥溝埋番薯粉整成，非常特別🤩
飯麵類可以揀珍珠米飯、王子麵、冬粉、關廟麵、台灣粗麵或加錢叫滷肉飯。
關廟麵喺台南市關廟區嘅三寶之一，餐廳用咗當地出名嘅手工陽春麵，放入鍋煮9分鐘就食得，入口彈牙得嚟又帶有啲煙韌嘅質感；
台灣粗麵就有啲似烏冬，煮咗6分鐘撈起就食得，相信平時食台灣牛肉麵就係呢一款😏
喺12月份凡喺惠顧一人火鍋，Follow六両三嘅IG或者Like佢哋嘅社交平台仲送一份黑糖芋圓仙草💓，我唔客氣喇😌，下次一於試埋佢哋嘅招牌牛肉麵同滷肉飯先🤤
張貼
