慢煮工業 (已結業)

呢個位於公園入面嘅小食亭唔係特別顯眼，旁邊係啲花花草草同埋前面有塊空地，一街之隔就係人來人往嘅尖沙咀鬧市，令到間餐廳係個名以外更加有種「慢」嘅感覺。講返啲嘢食，因爲我嗰日唔係太肚餓所以就揀咗呢間有啲輕食feel嘅小店，我今次嗌咗個慢煮雞肉三明治，加咗個牛油果，食落就啱啱好，但咁都證明可能男仔去就未必食得飽。可能係因為慢煮嘅關係，嚿雞係煮到超級超級滑，再加埋牛油果嘅creamy口感，成件事好完美，而且我覺得佢嘅醬係錦上添花，令到成個包食落更加潤滑，真心覺得好正。不過要挑剔嘅就係食落真係好唔方便好容易散，所以我食到成手都係，我建議佢包裝方面要再花啲心思。順帶一提，趕時間嘅就真係唔適合去試，可能係一黎慢煮，一黎得一人打理，出餐都幾慢下。