影片
更多
2021-06-27
154 瀏覽
尋日約左4個同事仔今日晏就lunch, 因為有客要見就響公司附近食，第一時間諗起Iberians之前2-3個人經過都見有人龍所以12點就打來訂檯先可惜都無梳化位坐，唔緊要快D睇下menu 有咩食，咁岩轉左menu, 正晒（佢地兩星期轉一次lunch menu 架）個衰仔同班衰妹掛住傾偈（其實佢地係等我😅）咁唯有等我去點菜啦！一飯一意粉三份肉，掂晒啦🤤🤤🤤先來是日餐湯-蕃茄湯配水晶包，番茄湯望落好似好水但飲落又好香好濃好好飲，個包依然得我歡心😍先來左大蝦意粉意粉口感彈牙，真係有高級餐廳水準，唔油膩好香口，小小辣椒提升左成個意粉的味道再來兩款扒，一牛一豬，牛係新西蘭西冷medium😍點解我切完份扒已經無晒D薯仔架？薯仔香煎完咁一定好食，留返粒比我啦下次唔該，$128呢份扒尖東區？值啦！之後再來一份豬鞍，我醒呀今次先食兩粒薯仔再切塊扒，點解咁容易切？三兩下就切完，食落口一定都唔乾身仲juicy 有肉汁，一路食一路聽到幾好喎，好味喎，唔錯唔錯上次食的牛扒仲響menu, encore! 有兩個唔太食牛咁都係保持7成熟配薯菜，佢一上檯就我先來切好比大家啦，7成熟但一D都唔會overcooked,
之前2-3個人經過都見有人龍所以12點就打來訂檯先可惜都無梳化位坐，唔緊要快D睇下menu 有咩食，咁岩轉左menu, 正晒（佢地兩星期轉一次lunch menu 架）
個衰仔同班衰妹掛住傾偈（其實佢地係等我😅）咁唯有等我去點菜啦！一飯一意粉三份肉，掂晒啦🤤🤤🤤
先來是日餐湯-蕃茄湯配水晶包，番茄湯望落好似好水但飲落又好香好濃好好飲，個包依然得我歡心😍
先來左大蝦意粉
意粉口感彈牙，真係有高級餐廳水準，唔油膩好香口，小小辣椒提升左成個意粉的味道
再來兩款扒，一牛一豬，牛係新西蘭西冷medium😍點解我切完份扒已經無晒D薯仔架？薯仔香煎完咁一定好食，留返粒比我啦下次唔該，$128呢份扒尖東區？值啦！
之後再來一份豬鞍，我醒呀今次先食兩粒薯仔再切塊扒，點解咁容易切？三兩下就切完，食落口一定都唔乾身仲juicy 有肉汁，一路食一路聽到幾好喎，好味喎，唔錯唔錯
上次食的牛扒仲響menu, encore! 有兩個唔太食牛咁都係保持7成熟配薯菜，佢一上檯就我先來切好比大家啦，7成熟但一D都唔會overcooked, very very nice, $128 真心抵食
之後來左煎魚柳，煎到好金黃，無落粉可以剪到咁靚咁金黃都幾好功夫，唔怪得我切完個扒條魚細左一半😌
岩岩食左件扒同一條薯仔就來豬鞍，今次個汁唔同左係芥末蜜糖，份豬份量絕對ok.....大，好好味，我個妹都話好食😆
佢地的扒如果配薯菜有唔少的沙律菜，可以平衡一下食完肉的罪惡感
之後上檯的係白酒大蜆意粉，酒味好香好香，加埋洋蔥一起煮幾好食喎
食到一半最後上檯就係西班牙海鮮炒飯，拿拿拿。。。呢個要提一下，好食！配料充足，好有正宗西班牙海鮮炒飯的味道仲要好多海鮮，兩隻蝦三件大魷魚同埋兩隻「巨人級青口」，我可能見識少，呢隻青口係我食過最好食最岩我口味的青口，點解我食佢好似食到生蠔的感覺🤣
食晒野就叫餐飲，女王飲檸茶，小王子同兩個小公主飲dirty, 小小的我就飲Cappuccino,佢地四個的點會夠我呢杯靚😆😆😆
5個人埋單$600，茶餐廳都$300啦，佢點會有得輸😁
張貼