八蠔吧 (已結業)

喺上環賣海味嘅地方居然發現一間食生蠔嘅bar，坐低後冇耐就送上白酒，飲到蘋果、桃、奇異果等的果香味，清爽的口感中帶有礦物味，最適合搭配生蠔。 生蠔拼盤：就簡單介紹一下，拼盤包括一隻澳洲同五隻法國精選生蠔。味道由淡至濃味逆時針食起。 接著來的是熱食，慢煮雞胸肉，雞胸肉經過慢煮後，肉質嫩滑多汁，黑松露薯蓉入口夠哂濃香、舞茸、西蘭花苗、酸椰菜花，配搭味道一流。緊接另一個熱食卡邦尼意粉, 服務員講同市面一般意粉不同，意粉微微熟稍為硬身。卡邦尼意粉用豬面頰肉、蛋和芝士，特別煮成乾身，醬汁濃味剛剛好，水準之作。 最後是自家製士多啤梨慕斯加·綠茶雪糕賣相一流，用匙羹切開 mousse 入口嫩滑，輕盈及泡沫感，Mousse的脂肪含量低，大口大口吃都冇問題，配搭綠茶雪糕令成個味道更加特別清新，很有驚喜。