八木橋日式燒肉

營業中

休息中

我地食呢個係霞餐，夜晚時間燒到120分鐘，仲要送A4和牛拼盤，好抵囉！和牛拼盤係日本黑毛和牛，和牛有4個部位，好似有牛肩，呢個位運動較多，肉質就結實又富有彈性，鮮嫩多汁，又唔會太肥，油花岩岩好，都食到好有油香，相當唔錯，其他部位都係好得，仲有啲係特別啲既部位添，一次性拼盤都正！！🤩另外任食既頭盤都已經好抵，頭盤都有牛，係韓風瓷壺醬油牛肋肉，牛肋肉唔會淨係好腍，都有啲口感，幾有彈力，醬油漬又唔會太咸，味道岩岩好呀！頭盤另外亦有其他雞肉豬肉，仲有鮑魚添，亦有比目魚，好豐富！！🥳仲有呢個餐有濕式・熟成M5和牛西冷任食，西冷任食好過分，每次上枱都係一大塊，牛扒有啲筋位，肉質唔會太腍，熟成牛扒肉質就更有質感，燒起上黎都好有肉汁，好爽呀！！😍呢度另外其他任燒既牛板腱都係好好食，好出色！