八幡屋涮涮鍋 (已結業)

我地今日食呢個係以澳洲M5和牛為主既放題，夜晚要提早訂位先有買一送一，我同老公今日就黎試下。🫶🏻刺身拼盤所有既刺身都好新鮮，三文魚好香，帶子好柔嫩，赤蝦好爽甜，希靈魚同榮螺都好好食，真係可以一路打邊爐一路慢慢食呀！🤘🏻壽喜燒湯底一個好傳統既日本火鍋湯底，湯底味道好好，好清甜，唔會太咸唔會太甜，愈煮愈濃味，好正呀！🫰🏻澳洲M5和牛和牛果然係唔同啲，澳洲既和牛都已經好靚，和牛好嫩，唔會太肥，淥完都好香重牛味同好腍身，好好食！✌🏻其他火鍋配料其他任食既配料都唔係cheap野，連墨汁花枝丸都特別彈牙特別好食，真係有花枝粒係丸入面，口感超好！啲蔬菜又夠新鮮，夠晒清甜，食多啲就健康啲啦！