太興 (沙田廣場)

營業中

休息中

曾幾何時太興嘅燒味為人津津樂道，太興嘅燒腩仔皮脆肉嫩，太興嘅燒鵝荔枝柴香回味無窮，今日喺沙田經過沙田廣場，咁啱又到下午茶時間，見門口排隊人唔多就排一陣，入去坐抵睇餐牌，嘩～雖然下午茶都幾貴，食好啲叫個太興燒味八寶飯要成舊水跟飲品，燒鵝背得層皮無肉，皮脆油香，叉燒軟腍有焦香，切雞胸皮滑肉鞋，油雞近patpat都算仲有條毛，燒肉麻麻地，咸蛋有咸味，紅腸有紅腸味，燻蹄幾好食，最唔鐘意椰菜伴碟減分，雖然都預大雜燴無咩靚嘢，但都應該整好少少囉，唔好切晒啲頭頭尾尾一碟上。