八哥主題餐廳 (已結業)

朋友們為我慶祝生日,特地選擇左呢間八哥主題餐廳,絕對啱哂我呢個八哥控。一入到餐廳入面所有裝潢、擺設都有八哥既原素, 視覺享受十足。食物方面:黑松露薯條 - 暮條炸到剛剛好, 又香又脆, 加埋好香既黑松露味, 讚! 香煎韓式一口和牛粒配自家制泡菜 - 一口牛既下面配左韓國泡菜, 味道好夾, 一口牛粒亦好淋, 又有油香。自選汁烤焗雞翼 - 肉質嫩滑,炸粉唔厚, 燒烤醬幾香。碳燒美國安格斯肉眼扒(10安士) - 味道火喉控制適中, 淋得黎有肉味, 墊底既薯仔吸哂精華, 好味!卡邦尼意粉配溫蛋 – 意粉好彈牙, 溫泉蛋令意粉加分變得更滑, 如果卡邦尼汁汁可以再濃多DD就好啦。原隻龍蝦意大利飯 - 原隻龍蝦入口爽而彈牙,仲有蝦膏, 十分香濃。總括黎講, 環境同食物都唔錯。