八哥主題餐廳 (已結業)

一向都係八哥既粉絲，無計啦，八哥個樣真係十級可愛。今日黎到位於尖沙咀既八哥主題餐廳，裝潢都有大量八哥元素，可以約埋三五好友一齊黎打卡影相。牆壁上滿滿既八哥塗鴉，極具特色。野菌忌廉湯充滿奶香既野菌忌廉湯，濃而不膩。炸洋蔥圈略嫌炸粉厚左少少，不過洋蔥味十足。廚師即叫即炸，好脆身，都係一款唔錯既小食。烤雞翼配BBQ醬雞翼份量十足，熱辣辣，啖啖肉。表面香脆可口，內裡肉質嫩滑，令人回味。個人覺得，唔蘸BBQ醬汁就咁食都已經好好食！和牛漢堡和牛好大份！適合2-3人一同分享。和牛肉質厚實，牛味濃郁，同芝士真係絕佳既配搭。隨餐會附送薯條🍟脆卜卜，好香口。同埋蔬菜，夾埋個牛一齊食，可以解膩！忌廉曲奇沙冰冰涼消暑既飲品👍🏻食物不錯，店員十分有禮，佈置玩味十足，係一個同朋友聚會既好地方。