今日行過又同之前唔同左，見到有唔同高低消費既食店，但得呢間係排長龍，唔知係平還是好食？
睇格局幾靚，就即管睇吓要排幾耐先試到佢哋d食物:)我記憶大約排左6-9個字先有位座低，睇吓有乜食和價錢先，本來想試佢個敏華黯然銷魂飯，但未夠鐘冇得試
而且睇價錢午餐和早餐價錢都相差幾大
就叫個早餐試吓算。沙茶牛肉公仔麵拼炒蛋牛油厚多士，可能多人，所以等左一排，還要分開出左炒蛋多士，之後再等左一段時間先出到個麵。
炒蛋食落好滑，厚多士外脆內嫩
沙茶牛肉公仔麵，個麵入囗質感唔差，需然牛肉唔係鮮牛，但都唔鞋囗，沙茶醬味道幾好
餐飲要左熱咖啡，味道幾香濃，呢間整體上都拍得住翠x和x興，食食吓見到對面枱食緊我之前想叫嗰個黯然銷魂飯，睇個賣相好正
下次有時間可以試吓。
4
3
