達人包車 (已結業)

達人包車係喺韓國街舖面最大嘅餐廳，有室外同室內位，室內仲有房可以坐，啱哂三五知之聚埋一齊，玩得嘈少少都唔洗就住就住，不過都要注意下嘅。燈光昏暗，氣氛幾啱飲酒。見到隔離張枱上面有條長鐵吊住，入面穿住蔬菜同肉，見幾得意我哋都跟風叫左一份。之後再叫左一個海鮮炸醬麵同炸蝦紫菜包飯。個巨形串燒嘅材料其實都已經燒左表面少少先再穿上去，唔係生肉血淋淋咁上嘅。侍應一黎就將佢掛上去個勾度，俾我哋影完相之後就將一半嘅材料夾番落黎放上韓燒鐵板上面燒，所以嗰個吊喺度嘅動作係純粹俾人打卡照相用架咋，冇任何實際用途。肉就得三四舊，菜都係得五六舊，咁就$300幾蚊，仲要係好鞋好厚嘅豬肉。侍應有幫手燒嘅，但燒燒下又行開左，搞到有啲overcook 。個海鮮炸醬面同我平時喺超市買嘅三十幾蚊有五袋嘅韓國炸醬拉麵一樣味，係多左幾舊海鮮喺入面，等我仲期待會係韓國叫外賣個啲炸醬麵嘅麵質，咁嘅話我喺屋企自己煮都得啦，洗咩出黎食，仲要成百蚊一碟。紫菜包飯就不過不失，應有嘅材料都有落齊，冇偷工減料嘅，點蛋黃醬食甜甜地幾好食。但得一條嘅份量收八十五蚊，食完行過隔離少少嘅韓國小食店見到一條都只係三十幾蚊，食水有啲深，可能因為舖大租貴嘅問