黎恩記

營業中

休息中

喺長洲住左十幾年，其實唔係成日幫襯哩間粥店，因為平日返工唔會特別喺度買早餐，而星期六日瞓到好晏所以起身嘅時候佢已經閂左門。今日早左起身，突然好想食豬潤粥，於是就嚟買個外賣返屋企食。臨走前老闆仲送咗一個鬆糕俾我，佢仲話俾我知，原來佢哋已經開業80年。返到屋企梗係趁熱食個粥啦，我最鍾意食佢哋嘅豬潤粥係因為佢哋嘅豬潤整得好嫩，唔會煮到過熟而好鞋，而粥底好綿又夠味。至於鬆糕，因為我不嬲都麻麻地鬆糕，所以覺得冇乜特別。